Die Zwergsley von Frohngau

.

.

Auszüge aus dem Sagensammelbuch
Hier spukt's - Sagen und alte Dorfgeschichten aus den elf Orten der Gemeine Nettersheim:
Bouderath, Buir, Engelgau, Frohngau, Holzmülheim, Marmagen, Nettersheim, Pesch, Roderath, Tondorf, Zingsheim
Gesammelt und herausgegeben von Sophie Lange. Nettersheim 2000

.

.

Von Sophie Lange

.

.

Zwesche Holzmöllem (Holzmühlheim) on Roderath em Jebeet Frohngau em Jemeendeböisch „Die Eisengrube“ litt ne jrueße Fels, de heesch Quergsley (vor einigen Jahren dem Steinbruch Schleiff zum Opfer gefallen).

Do send Hölle dren, do konnt me fröhe dren kruffe; vüe däm Wödde konnt me sich dren verberje. Do solle en ahle Zitt die Querje jewonnt hahn. Dat wore ärg kleen Löck; die Fraulöck solle Bröß jehatt hahn, wie me Motte verzällt, dat se die övve de Scholdere werpe konnte.

Onge de Ley fönnef Minutte dovan ös en Quell „Isebrochebaach“; do solle se ie Waaße jehollt hahn. Möt hölze Emme hodde die Fraue dat dä Berg eropjedrage, on dann hodde se die Bröß övve de Scholdere jeworpe, domöt die se net hengere. Me Motte hät verzällt, dat ie Jroßmotte die Querje jesehn han soll, wenn se do boute (das Feld bebauten).

Löck hodde en de Nöhde jeackert. Du senn die Querje komme on haan do Waaße des Morjes jedrage. Nue hödde se de Löck jefrooch, wafüu se su vell Waaße dröge; söß wore die kleen Löck sier schöü (scheu) on wöre de Löck us de Wäg jejange. Du hödde se jesaat, se dähte backe. Nu hödde de Bure jesaat: „Back os och jett!“ On Nohmettes hät ene Fladem om Boddem an ier Arbetsstell jeläge; angere sage am Plog.

Et jeng och die Sag, dat onge de Quergsley ne ongerirdische Jang bös onge de Bockete (Bouderath) Kerch jeng.

Se kome och en de Hus on lönnte (liehen) sich Keissele (Kessel), on wenn se die zröckbrahte, wore die wie nöü jeschuet. Se kome nahts en de Huse on dähte backe on angere Arbet. Ich haan och jehuet, dat die alle Löck verzallte, wenn ehne Eßjeschirre, Kaffetöppe, Tellere us Holz on eäde (irdene) Waa fott woe, dann hödde se dat jestolle. Se wöre äwwe ömme en de Nöhde (Nähe) blewwe; se wöre net witt jejange; dafüe wöre se zu schöu (scheu) jewäs.

Fröje fong me en de Quergsley och Kochjeschirre on hölzerne Löffele, die solle dovan herrühre.

.

Dr. Henßen: Sagen aus der Nordeifel, in Eifel-Kalender 1935, Seite 53

.

.

Veröffentlichungen von Sophie Lange